Isa 65 | Ndebele | STEP | Ngadingwa yilabo abanga ngi celanga ; ngatholwa yilabo abangangidinganga. Ngathi: Ngikhangelani, ngikhangelani, esizweni e singabizwa ngebizo lami .

1 Ngadingwa yilabo abangangicelanga ^a; ngatholwa yilabo abangangidinganga. Ngathi: Ngikhangelani, ngikhangelani, esizweni esingabizwa ngebizo lami ^b. 2 Ngelule izandla zami ^c usuku lonke ebantwini abavukelayo ^d, abahamba ngendlela engalunganga ^e, belandela imicabango yabo ^f; 3 abantu abangithukuthelisayo ^g njalonjalo ebusweni bami ^h, abenza imihlatshelo ezivandeni ⁱ, betshisa impepha phezu kwezitina ^j; 4 abahlala emangcwabeni ^k, balale endaweni ezisithekileyo, abadla inyama yengulube ^l, lomhluzi ^m wezinto ezinengekayo ⁿ emiganwini yabo. 5 Abathi: Xeka wena ^o, ungasondeli kimi; ngoba ngingcwele kulawe. Laba bayintuthu emakhaleni ami, umlilo otshisayo ^p usuku lonke. 6 Khangela, kubhaliwe phambi kwami ^q: Kangiyikuthula ^r, kodwa ngizaphindisela ^s, yebo ngiphindisele esifubeni sabo ^t, 7 iziphambeko zenu ^u, leziphambeko zaboyihlo kanyekanye ^v, itsho iNkosi, abatshise impepha ^w phezu kwezintaba, bangithuka ^x phezu kwamaqaqa; ngakho ngizalinganisa imisebenzi ^y yabo yakuqala esifubeni sabo ^z. 8 Itsho njalo iNkosi: Njengewayini elitsha ^{aa
,} ^ab litholwa ehlukuzweni, lomunye athi: Ungalibhubhisi, ngoba isibusiso sikulo ^ac; ngizakwenza njalo ngenxa ^ad yenceku zami ^ae, ukuze ngingazibhubhisi zonke ^af. 9 Njalo ngizaveza inzalo ivela kuJakobe, lakoJuda ^ag kuvele indlalifa ^ah yezintaba zami; labakhethiweyo ^ai bami bazakudla ilifa lazo ^aj, lenceku zami zihlale khona. 10 Njalo iSharoni ^ak izakuba yisibaya semihlambi ^al, lesihotsha seAkori ^am sibe yindawo yokulala yenkomo ^an, eyabantu bami abangidingayo.

11 Kodwa lina elidela iNkosi ^ao, elikhohlwa intaba yami engcwele ^ap, elihlelele leloviyo itafula ^{aq
,} ^ar, njalo eligcwalisele lelonani umnikelo wokunathwayo ^as. 12 Ngakho ngizalimisela inkemba, njalo lonke lizakhothamela ukuhlatshwa; ngoba ngalibiza, kodwa kaliphendulanga ^{at
,} ^au, ngakhuluma, kodwa kalizwanga ^{av
,} ^aw, kodwa lenza okubi emehlweni ami ^ax, lakhetha lokho engingathokozanga ngakho ^ay.

13 Ngakho itsho njalo iNkosi uJehova: Khangela, izinceku zami ^{az
,} ^ba zizakudla, kodwa lina lizalamba; khangela, inceku zami zizanatha, kodwa lina lizakoma; khangela, inceku zami ^{bb
,} ^bc zizathokoza ^bd, kodwa lina lizayangeka; 14 khangela, inceku zami zizahlabela ^be ngentokozo yenhliziyo ^bf, kodwa lina lizakhala ngenxa yokudabuka kwenhliziyo, liqhinqe isililo ^bg ngenxa yokudabuka komoya. 15 Njalo lizatshiya ibizo lenu libe yisiqalekiso ^bh kwabakhethiweyo bami ^bi, ngoba iNkosi uJehova izalibulala; kodwa izabiza inceku zayo ^bj ngelinye ibizo ^bk; 16 ukuthi lowo ozibusisa emhlabeni uzazibusisa ^bl kuNkulunkulu ^bm weqiniso ^bn, lalowo ofunga emhlabeni uzafunga ^bo ngoNkulunkulu weqiniso ^{bp
,} ^bq; ngoba inhlupheko zakuqala sezikhohlakele ^br, njalo ngoba zisithekile emehlweni ami.

Amazulu amatsha lomhlaba omutsha

17 Ngoba khangela, ngidala ^bs amazulu amatsha lomhlaba omutsha ^bt; okwakuqala kakusayikukhunjulwa, kumbe kuvele enhliziyweni. 18 Kodwa jabulani, lithokoze kuze kube laphakade ^bu ngengikudalayo, ngoba khangela, ngidala iJerusalema ibe yintokozo ^bv, labantu bayo babe yinjabulo. 19 Ngizathokoza-ke ngeJerusalema ^bw, ngijabule ngabantu bami; njalo kalisayikuzwakala kuyo ilizwi lokulila ^bx lelizwi lokukhala. 20 Kusukela lapho kakusayikuba khona usane lwezinsuku, kumbe ixhegu elingagcwalisi insuku zalo; ngoba omutsha uzakufa eleminyaka elikhulu ^by, kodwa isoni esileminyaka elikhulu ^bz sizaqalekiswa. 21 Njalo bazakwakha izindlu, bahlale kuzo ^ca; bahlanyele izivini ^{cb
,} ^cc, badle izithelo zazo. 22 Kabayikwakha ^cd, kuhlale-ke omunye ^ce; kabayikuhlanyela ^{cf
,} ^cg, kudle-ke omunye ^ch; ngoba insuku zabantu bami zizakuba njengensuku zesihlahla ^ci, labakhethwa bami ^cj bazakholisa umsebenzi wezandla zabo ^ck okwesikhathi eside. 23 Kabayikutshikatshikela ize ^cl, loba bazalele ^cm uhlupho ^cn; ngoba bayinzalo ^co yababusisiweyo beNkosi, lembewu yabo ^cp kanye labo. 24 Kuzakuthi-ke bengakabizi, mina ngiphendule ^cq; lapho besakhuluma, mina-ke ngizwe ^cr. 25 Impisi lewundlu ^cs kuzakudla ndawonye ^ct, lesilwane sidle amahlanga njengenkomo ^cu, lothuli lube yikudla kwenyoka ^cv. Kaziyikulimaza kumbe zibhubhise ^cw kuyo yonke intaba yami engcwele ^cx, itsho iNkosi.